தமிழ்நாடு முஸ்லிம் முன்னேற்றக் கழகம் புதுவலசை: பிரனாப் முகர்ஜிக்கு மனிதநேய மக்கள் கட்சி வாழ்த்து

பிரனாப் முகர்ஜிக்கு மனிதநேய மக்கள் கட்சி வாழ்த்து

மனிதநேய மக்கள் கட்சியின் சட்டமன்றக் குழுத் தலைவரும் இராமநாதபுரம் சட்டமன்ற உறுப்பினருமான பேராசிரியர் எம்.எச்.ஜவாஹிருல்லா பின்வரும் வாழ்த்துச் செய்தியை குடியரசு தலைவராக தேர்ந்தெடுக்கப்பட்டுள்ள பிரனாப் முகர்ஜிக்கு அனுப்பியுள்ளார்:
இந்திய குடியரசுத் தலைவராக நீங்கள் தேர்ந்தெடுக்கப்பட்டதற்காக எங்கள் மனமார்ந்த வாழ்த்துகளை தெரிவித்துக் கொள்கிறோம். மதசார்பின்மை கொள்கையில் பிடிமானம் கொண்ட நீங்கள் மிகப் பெரும் வாக்குகள் வித்தயாசத்தில் வெற்றிப் பெற்றது எங்களுக்கு பெரும் மகிழ்ச்சியை அளிக்கின்றது. குடியரசு தலைவர் பதவியின் உயர் மாண்புகளை நீங்கள் பேணுவதுடன் உங்கள் அனுபவம் மற்றும் ஆற்றல்களினால் அப்பதவிக்கு மேலும் மெருகூட்டுவீர்கள் என்ற நம்பிக்கை எங்களுக்கு உள்ளது. குடியரசுத் தலைவர் என்ற முறையில் நீங்கள் நமது நாட்டின் அனைத்துத் தரப்பு மக்களின் குறிப்பாக பலவீனமான மக்களின் உரிமைகளை தகுந்த முறையில் பாதுகாப்பீர்கள் என்ற நம்பிக்கையும் எங்களுக்கு உள்ளது. உங்கள பதவிக் காலத்தில் நாடு பல்வேறு துறைகளில் சாதனைகள் புரிய இறைவனைப் பிரார்த்திக்கிறோம்.

- எம்.எச்.ஜவாஹிருல்லா

Add new comment

ரியாத் மண்டலம் சார்பில் 'சட்டமன்றத்தில் சமுதாயக் குரல்' புத்தக வெளியீடு

தமிழ்நாடு முஸ்லிம் முன்னேற்றக் கழகத்தின் மூத்த தலைவரும், மனிதநேய மக்கள் கட்சியின் சட்டமன்ற தலைவருமான பேரா.முனைவர். எம்.ஹெச் ஜவாஹிருல்லாஹ் தனது குவைத் மற்றும் சவூதி கிழக்கு மண்டல சுற்றுப்பயணத்தை முடித்துக்கொண்டு, ரியாத் மத்திய மண்டலத்திற்கு வருகைதந்து அங்கு நடந்த பல்வேறு நிகழ்சிகளில் கலந்துகொண்டு சிறப்புரையாற்றினார்.
தம்மாமிலிருந்து ரயில் மூலம் ரியாத் வந்தடைந்த பேராசிரியர் அவர்கள், வட மாநிலத்தைச் சேர்ந்த சமுதாயப் பிரமுகர்கள் ஏற்பாடுசெய்திருந்த நிகழ்ச்சியில் பங்கேற்று இந்திய முஸ்லிம்களின் நிலை என்ற தலைப்பில் உரையாற்றினார். ஹைதரபாத், பிகார், உபி, டில்லி மற்றும் காஷ்மீரைச் சேர்ந்த சமுதாயப் பிரமுகர்களின் கேள்விகளுக்கு பதிலளித்தார்கள். மேலும் தமுமுகவின் 17 ஆண்டுகால வரலாற்று சிறப்புமிக்க செயல்பாடுகளையும், அதன் அரசியல் பிரிவான மமகவின் சட்டமன்ற உறுப்பினர் என்ற முறையில் தாமும், ஆம்பூர் சட்டமன்ற உறுப்பினர் சகோ.அஸ்லம் பாஷாவும் சட்டமன்றத்தில் எழுப்பிவரும் உரிமை குரலையும், தாங்கள் மேற்கொண்டு வரும் தொகுதி மேம்பாடுகளையும் பட்டியலிட்டு விரிவாக விளக்கினார்.

Add new comment